tata

http://hk.myblog.yahoo.com/hocch ... new=1&mid=99416

演唱會消息。
網誌分類：未分類 | 網誌日期：2009-06-02 17:32
（等我學下阿禮先）
自從我有左twitter之後，都少左時間分配黎update個blog，攪到呢度人氣都下滑左好多，哈哈哈哈哈，不過無辦法啦，個twitter實在太方便，一句起兩句止又快脆，有時行行下都可以DUM張相上去，幾分鐘就話到比大家知我做緊乜。（聽啊SK講，我重因此比某些corporate攞黎做左case study添，哈哈哈，多謝比面。未加twitter geh朋友可以到 http://twitter.com/hoccgoomusic睇睇 ) 。

相反地，Blog就要有好多時間坐響度先可以慢慢打慢慢upload相，同埋好多野響twitter講左再講又好似好低B甘。不過見到呢度甘冷清我都於心不忍，好啦，等我規定自己返來多d啦，:P

UPDATE下大家，呢排甘少見到我，事關開始做緊好多preparation，十月紅館，九月尾大碟（預就甘預啦下，哈哈），同埋聽日將會開始拍geh“女王辦工室”，呢個六月打後geh日子將會得返半條人命。

演唱會雖然重有四個幾五個月，但我地已經開左四次會，個主題方向已經定下來，大概個骨幹都已經有左，呢次個題目都好令人興奮，成個team都好雀躍好多ideas，而且重要係延續緊上次TEN DAYS IN THE MADHOUSE geh精神，不過就colourful好多。啊，講起都好興奮，我相信呢個演唱會將會係我個人史上最好睇geh一個show，比上次更豐富更成熟......我同大家一樣甘期待。暫定應該係10月10號左近開（我諗大家肯定會爭住霸呢日睇啦哈哈.....)， 大家預定時間(尤其海外fans)，千期唔好錯過喇！！！！！

好喇，講住甘多先，HAVE A NICE DAY!!!!
(好似好耐無甘正經打blog，哈哈，真係好費時，我已經坐左響度大半個鐘喇！）

tata梅

看到10月10號縂有眼前一亮的感覺
ps：建議海外梅迷可以將 芳心薈 等一些香港梅迷的論壇上的好文字，或信息轉到這邊來，因爲内地歌迷都打不開這些網站，多謝你們