打印

梅艷芳。10。思念。音樂。會

梅艷芳。10。思念。音樂。會

相關新聞

晴報 - 給香港女兒的派對 群星忍淚思念梅艷芳
晴報


【晴報專訊】昨日是梅艷芳逝世十周年紀念日,一眾好友在灣仔會展舉行悼念音樂會。曾志偉打頭陣出場,他大讚阿梅是「香港女兒」,其後眾星亦強忍悲傷,來參與這個為梅姐而設的驚喜派對。

昨晚舉行《梅艷芳.10.思念.音樂.會》,現場八千個座位全場爆滿,過百傳媒亦一早到場守候。梅媽梅覃美金、阿梅舊愛林國斌、徒弟彭敬慈、師傅寧波車、上山詩納及曾華倩等嘉賓,先後踏上紅地氈進場。大部分出席藝人及歌手均遵照大會要求,穿上黑白服飾出席。

音樂會發起人之一的曾志偉在場外巧遇梅媽到場,他慰問梅媽並接過她遞上的一封信。志偉其後接受訪問,稱該封信是阿梅胞兄梅啟明交給他和張學友的多謝信。問志偉跟梅媽寒暄時談甚麼?他說:「梅媽話好多謝我們咁多年嚟,幫阿梅做好多嘢,知道我哋辛苦。」志偉直言開騷前一直沒有宣布嘉賓名單,是希望給阿梅和大家一個驚喜,他說:「等她(阿梅)知道十年後仲有咁多人掛住佢,一個人走咗十年仲維繫到咁多友情,非常難得。」至於學友在開場前未有受訪,他擔心會忍不住落淚,故留待用歌聲去表達對阿梅的思念。

梁朝偉開金口
開場後,志偉率先上台分享,他大讚阿梅是香港女兒,「作為一個演員,她前衞破格百變專業;作為一個前輩,她願意培育新人,徒弟很多都獨當一面;作為一個領導者,她團結起演藝界,帶領我們成立演藝人協會;作為一個朋友,她有情有義;作為一個香港人,她跟我們同喜同悲;作為生命鬥士,她永不放棄,永不言敗。」

昨晚有很多巨星逐一上台獻唱,其中梁朝偉更開金口演繹《朦朧夜雨裏》,掀起全場高潮,而劉德華則壓軸出場獻唱《似水流年》,並引領所有嘉賓合唱《夕陽之歌》,為音樂會畫上完美句號。

華仔於音樂會後接受訪問,提到他在台上雙眼通紅,華仔自言昨午從台灣返港綵排時最激動,他又指這些年來斷斷續續都有回憶跟阿梅的往事,會跟朋友談起阿梅的蝦碌和傻事,並強調阿梅在他心目中地位不變。

撰文:林常恩攝影:Lego編輯:陳禮恒
採訪:Pauline


學友表示每位藝人表達了對阿梅的尊重,他又稱梁家輝因航班延誤,但最後仍趕到加入大合唱。


志偉在紅地氈上迎接梅媽。





TOP

舊愛林國斌到場 懷念阿梅

http://hk.apple.nextmedia.com/enews/realtime/20131230/52042309

「梅艷芳‧10‧思念‧音樂‧會」今晚假座會展新翼Hall 5B&C準8點15分舉行,現場八千個座位全場爆滿。逾百記者到場,圈中好友及嘉賓亦逐一抵達,包括岑建勳、劉天蘭、何韻詩父母及徒弟彭敬慈、奚仲文夫婦、陳自強、陳國熹、連炎輝、「九龍女」之一曾華倩、密友杜貞貞、黎明詩、上山詩鈉母女、阿梅師傅寧波車、吳啟華、前經理人王敏慧、王晶、王祖藍、李亞男、吳國敬、陳百祥、黃杏秀、盧惠光、黎小田。最令人注目是舊愛林國斌亦有現身。

另梅媽方才亦有行紅地氈,曾志偉上前擁抱、握手、拍背、慰問梅媽,二人拖手合照。梅媽遞上一個白信封給志偉、然後就帶梅媽入場。

曾華倩與上山詩鈉等

吳啟華

王晶

吳國敬

林國斌


黎明詩(右)與杜貞貞

TOP

志偉拖實梅媽入場 梅啟明親撰感謝信

http://hk.apple.nextmedia.com/enews/realtime/20131230/52042335

梅媽今晚亦有到會展出席「梅艷芳‧10‧思念‧音樂‧會」,見她入場時交了一個信封給他,問他可知內容是甚麼?志偉表示:「係佢個仔明仔(梅啟明)寫嘅,多謝大家,我未睇,一封俾我,一封俾學友。我叫梅媽慢慢欣賞,今晚個騷好好睇。梅媽話好多謝我哋,佢九十幾歲人,多謝我哋為阿梅做咗好多嘢,所以寫信感謝我哋。」至於梅啟明是否不來?志偉表示沒有問。

提到連炎輝方才與阿梅師傅寧波車進場,屆時會否誦經?志偉表示不會,只是純粹邀請他來看,不想有太多儀式。志偉又呼籲大家睇騷開心啲,並表示之前一直沒有舉行發佈會宣佈有何表演嘉賓,是有原因的:「因為我哋之前成日呃阿梅,好似生日咁,話自己唔得閒,但之後就call佢去酒吧,見到原來成班朋友已經喺度。阿梅走咗十年,想俾阿梅驚喜,都希望阿梅不知,然後見到一個個朋友出場,當係俾佢一份十年禮物,俾佢知道好多人仍然掛住佢,唔係好多人做到走後有咁多人返嚟懷念佢。今晚有五成表演嘉賓都係特登飛返嚟,好似張惠妹咁。大家只係想唱歌俾阿梅聽,係一份心意,希望今晚好好氣氛,
但相信大家都會感觸。」

至於發哥是否出席,志偉表示:「呢啲唔講。」續問到何以學友不致辭,他謂:「佢想培養情緒,因為佢係第一個唱歌。」問他可是學友擔心忍不住會哭?志偉謂:「係。」

TOP

劉德華憶阿梅蝦碌事 立銅像要睇政府

http://hk.apple.nextmedia.com/enews/realtime/20131230/52042719

紀念梅艷芳離逝10周年的「梅艷芳.10.思念.音樂.會」順利完成,一眾歌手包括張學友、劉德華及楊千嬅等都有留守後台,與歌手好友及傳媒見面,唯獨張曼玉、許志安及鄭秀文喺音樂會完結後,便迅即離開,可能許志安與Sammi不希望因為兩人的新婚新聞,掩蓋過今日阿梅的大日子,而音樂會完結後,在後台就見到未有上台演出的關淑怡。

劉德華於後台接受訪問,表示音樂會也勾起他不少對阿梅的回憶,令他相當感觸,華仔說:「今日個音樂會冇時間綵排,多年嚟斷斷續續都有提起阿梅的蝦碌事,希望呢啲活動每年都有,今次音樂會係學友發起,知道歌迷有每年都有紀念阿梅嘅活動。」

講到何超儀表示出錢為阿梅造銅像,華仔就表示:「呢樣嘢每個藝人都值得擁有,要睇吓政府支唔支持,不過就算冇都唔影響佢嘅地位。」

何韻詩

許志安

TOP

八千座位全滿 rundown一覽

http://hk.apple.nextmedia.com/enews/realtime/20131230/52042137
「梅艷芳‧10‧思念‧音樂‧會」今晚假座會展新翼Hall 5B&C準8點15分舉行,現場八千個座位全場爆滿。今晚多個電視台及電台都有直播,香港電台、商台、兩個免費電視台,nowTV及有線,鳳凰衛視及海港城戶外都有直播。現場並舖上紅地氈恭迎藝人進場,其中岑建勳、劉天蘭、何韻詩父母及徒弟彭敬慈、奚仲文夫婦、陳自強、陳國熹等已進場,並有過百傳媒採訪。

至於演出歌手及rundown,如下:
1.曾志偉 演說/分享
2.成龍 演說/分享 (正式演出時,將之改為林憶蓮獻唱之後)
3.張學友 歌曲:《赤的疑惑》
4.張惠妹 歌曲:《親密愛人》
5.林憶蓮 歌曲:《蔓珠莎華》
6.梁家輝 演說/分享 (正式演出時,環節取消)
7.袁詠儀 演說/分享
8.草蜢 歌曲:Medley:《愛將》
9.杜德偉 歌曲:Medley:《冰山大火》
10.何韻詩 歌曲:Medley:《淑女》
11.楊千嬅 歌曲:Medley:《妖女》
12.蘇永康 歌曲:Medley:《黑夜的豹》
13.梁漢文 歌曲:Medley:《烈燄紅唇》
14.許志安 歌曲:Medley:《壞女孩》

合唱:《Stand by me》

15.鍾楚紅 演說/分享
16.劉嘉玲 演說/分享
17.梁朝偉 歌曲:《朦朧夜雨裡》
18.林子祥 歌曲:《抱緊眼前人》
19.鄭秀文 歌曲:《女人心》
20.張曼玉 演說/分享
21.關錦鵬 演說/分享
22.陳奕迅 歌曲:《胭脂扣》
23.郭富城 歌曲:《夢伴》
24.劉德華 歌曲:《似水流年》

合唱《夕陽之歌》

TOP

梅艷芳心聲揭幕:我不要承諾…

http://hk.apple.nextmedia.com/enews/realtime/20131230/52042357

「梅艷芳‧10‧思念‧音樂‧會」原定八點十五分開騷,後延至八時半左右才正式開場,先播放一段文字:

「當有一天我離開娛樂圈,到底還有多少人能夠真正記住梅艷芳這個人呢?我不要承諾,我只想當大家百般無聊的時候,望著天上的星星,會記起這個曾經好熟悉的名字。」 -- 梅艷芳

隨後大會播出梅艷芳演唱的《風的季節》,並由管弦樂團演奏阿梅多首名曲《是這樣的》、《似是故人來》、《何日》、《心仍是冷》等。

紀念騷開始時,先播出一連串阿梅金曲。

TOP

志偉哽咽念摯友: 阿梅,你準備好未

http://hk.apple.nextmedia.com/enews/realtime/20131230/52042373

志偉是首個上台分享的嘉賓,一臉凝重,但到中段時,忍不住哽咽。

曾志偉喺「梅艷芳.10.思念.音樂.會」活動甫開始,擔任首個嘉賓,並為活動致詞分享,掀起序幕,曾志偉說:「今日每個嘉賓、藝人、在座所有朋友,電視機傍邊藝眾,都有一個理念,一齊懷念離開咗我哋10年嘅好朋友,10年前,我哋一班好朋友喺養和,要宣佈一個大家唔想講、唔想知嘅消息,就係阿梅離開咗我哋,嗰幾日我哋問啲傳媒前輩,用乜嘢稱呼梅艷芳,前輩畀咗5個字形容,就係『香港的女兒』。」演出現場掌聲雷動一陣子。

「因為佢係香港土生土長,佢出生平凡基層家庭,為咗幫屋企,細細個為幫屋企就出嚟表演,因機遇參加新秀,無耐踏入到電影圈,因為佢嘅努力成為樂壇一代天后。一個無寂寂名小歌女,變為舉世矚目巨星,阿梅嘅成功,絶對我哋香港人精神。作為一個藝人,佢有獨特味道,佢前衛、破格、百變,最重要係佢專業,佢好影響樂壇、影壇,作為一個前輩,佢好願意培育新人,所以佢好多徒弟今時今日好多已經可以獨當一面,作為一個領導者,佢用佢嘅勇氣同責任心,團結起我哋演藝界,成立演藝人協會,擔任會長,每有為任何不公義出嘅事,都會企出嚟發聲,作為一個朋友更加唔需要講,有情有義,作為一個香港人,每當呢個地方,順境或者逆境,佢都用佢個心同個人留守喺度,同喜同悲。

「記得03年沙士,組織咗1:99演唱會幫助有需要朋友籌款,當時佢嘅親力親為,感動業內業外朋友。」講到呢度,志偉不禁長嘆,含着熱淚,佢續說:「作為生命鬥士,佢永不放棄,永不言敗嘅精神,的確係難得,記得03年演唱會最後一場,佢身體雖然好衰弱,但係佢仍然用響亮聲音,叫我哋一定要,對自己有信心,珍惜生命,佢會繼續努力,奮鬥。」

「今日為佢做呢個演唱會,由籌備到記招,我哋都冇宣佈嘉賓名單,約晒觀眾、聽眾,為阿梅開一個驚喜派對,話畀佢聽雖然佢離開咗我哋10年,但我哋係無忘記佢。」此時志偉再次忍唔住喊出嚟,現場觀眾亦鼓掌,志偉繼說:「今日嚟嘅朋友一會令佢驚喜,咁就請佢哋出嚟。」志偉欲哭忍着淚說:「阿梅,你準備好未。」首個出場嘅嘉賓張學友,志偉以今次最落力搞手嚟形容學友。


曾志偉:「作為一個領導者,佢用佢嘅勇氣同責任心,團結起我哋演藝界,成立演藝人協會,擔任會長,每有為任何不公義出嘅事,都會企出嚟發聲,作為一個朋友更加唔需要講,有情有義,作為一個香港人,每當呢個地方,順境或者逆境,佢都用佢個心同個人留守喺度,同喜同悲。」

TOP

學友打頭陣獻唱 未有發言


三位巨星今晚都只以唱歌去懷念梅姐

http://hk.apple.nextmedia.com/enews/realtime/20131230/52042414
今晚「梅艷芳‧10‧思念‧音樂‧會」假會展新翼舉行打頭陣獻唱的是張學友,他戴上紳士帽及穿上黑西裝獻唱阿梅的名曲《赤的疑惑》,背景打上「幻」字,在管弦樂團伴奏之下演唱,氣勢磅礡。之前學友講過會打頭陣唱歌,因為驚自己會喊,所以未有講任何嘢,只以唱歌去表達對阿梅的思念。

之後順序為張惠妹唱出《親密愛人》,阿妹穿上5吋高踭鞋演唱,背景則打上「愛」字,之後就到林憶蓮唱出《蔓珠莎華》。

TOP

成龍憶荔園阿梅逸事

http://hk.apple.nextmedia.com/enews/realtime/20131230/52042394

成龍表指以前會跟阿梅食飯睇戲飲嘢。

原定第二個繼學友後發言的成龍,改為等到林憶蓮獻唱先後才現身演說。他謂:「我識阿梅比好多人更久,細細個,喺荔園,我喺左邊做戲,佢喺右邊唱歌。入咗華星,佢喺左邊練舞,我喺右邊唱歌,佢不時喺control room偷望我,透過咪高峰話我,Jackie,你唱歌好難聽。佢未經我同意教我唱歌入key,呢段日子,好難忘。」

成龍表示,就是因為這樣,令二人成為好朋友,不時食飯睇戲飲嘢, 又經常鬧交,但不是為了私事,而是為了演藝圈。成龍表示當年自美國返港,常想,為何美國有政策保障藝人,為何香港沒有?兩人因此而想到成立香港演藝人協會,但中間起了不少爭執,各持己見,阿梅更試過掟杯,故成龍謂:「香港演藝人協會真係我哋鬧交鬧番嚟,所以我成日約志偉出來鬧交。」


還會為了演藝圈經常鬧交。


大合唱時更不禁落淚。

TOP

袁詠儀難忍淚光 改名Anita 因為梅艷芳

http://hk.apple.nextmedia.com/enews/realtime/20131230/52042444

緊接成龍發言的是靚靚袁詠儀,她一開口就叫阿梅做阿姐,亦謂:「係呀,我叫梅姐做阿姐,我同佢係96年拍《金枝玉葉2》成為好朋友,但講到對我嘅影響,就係早於讀書時,當時我成日聽《壞女孩》、《妖女》、《夢伴》。老師要我哋改英文名,我第一個諗起就係阿姐個名,Anita。」

「入行後,我成日都等緊,幾時可以同阿姐合作,我等咗六年,等到《金枝玉葉2》,阿姐份人冇架子。收工嗰陣,佢知道ChiLam唔喺香港,得我一個孤兒仔,佢透過朋友致電俾我,話,好悶呀,不如食飯囉。」袁詠儀謂,不知此話是真是假,但可以肯定是她對朋友很好。

袁詠儀又憶述,當初第一次見阿姐,構思了很久,究竟第一句話是甚麼。可是,她見到阿姐後第一句話卻是:「嘩,乜你咁瘦0架!」袁詠儀謂:「講完之後我知自己失儀,但佢冇嬲,仲話:『你咪一樣!』作為後輩,可以同自己偶像合作,係榮幸。喺佢身上學到嘅嘢,講幾耐都講唔完,相信佢嘅徒弟、新秀師弟師妹亦感受到。」

袁詠儀及後受訪時,直認方才發言時,感動得想哭:「係,我好眼淺,忍得好辛苦。我又想睇騷,所以頭先去咗前台,但聽到唱《赤的疑感》嗰啲歌時,已經想喊,馬上返後台。頭先講嘢嗰陣,都有少少講錯。」她又謂好懷念阿梅:「冇咗個大家姐樂壇影壇,冇人可以好似佢咁,無可取替。無論做人做藝人都做得好好、佢嘅貢獻亦冇人可以學到。」

袁詠儀話佢係叫梅姐做阿姐。

喺《金枝玉葉2》入面合作。

TOP

華星仔女大合唱:好多以前畫面都出番嚟

千嬅何韻詩 性感演唱念梅姐
http://hk.apple.nextmedia.com/enews/realtime/20131230/52042484

今晚梅姐的紀念演唱會,演唱部份真的只以唱歌為主,林憶蓮演出後順序表演的嘉賓為:

草蜢 歌曲:Medley:《愛將》
杜德偉 歌曲:Medley:《冰山大火》
何韻詩 歌曲:Medley:《淑女》
楊千嬅 歌曲:Medley:《妖女》
蘇永康 歌曲:Medley:《黑夜的豹》
梁漢文 歌曲:Medley:《烈燄紅唇》
許志安 歌曲:Medley:《壞女孩》

其中梅姐徒弟何韻詩以非常女性化的短裙,千嬅亦以大露背演唱《妖女》,今晚她的表現亦相對穩定。之後眾星合唱《Stand by me》,掀起現場高潮。

華星仔女大合唱:好多以前畫面都出番嚟

一班梅姐嘅徒弟,講受訪嘅時候情緒激動。(攝影:仇志德)(蘋果日報)
http://hk.apple.nextmedia.com/enews/realtime/20131230/52042554
方才一眾華星新秀出身、以及阿梅的徒弟後輩等表演嘉賓,包括何韻詩、許志安、草蜢、楊千嬅、杜德偉等等齊上台獻唱,草蜢受訪時,情緒仍然激動,眼紅紅,他表示方才一齊唱《Stand by me》時,不禁想起一齊玩的畫面,但就強調不覺孤獨感:「我覺得阿姐(阿梅)同我哋一齊唱,感情好澎湃!」

至於安仔則表示要用開心心情欣賞今晚紀念騷:「因為紀念今年係十1周年,Anita應該都喺度睇緊,佢應該好開心,咁多觀眾都喺度。學傑仔(蔡一傑)話齋,大家唔知用乜嘢心情嚟睇騷,所以開頭會靜啲,但聽大家一聽到唱阿梅嘅歌,慢慢就會投入番落去。」至於會否向阿梅交代已向Sammi求婚成功?安仔就謂:「唔講呢啲嘢。」只謂:「綵排時,好多以前畫面都出番嚟,當時師傅就喺我哋中間。」

至於阿梅弟子何韻詩,坦言很羨慕眾人可以跟阿梅一齊巡迴演出,她說:「我好羨慕,佢哋同師傅走tour,我做徒弟嗰陣已經少咗。綵排嗰陣,好多畫面出番嚟。好多謝學友、演藝人協會發起呢個紀念騷。」

梁漢文就表示沒有想太多:「見咁多朋友一齊,好開心,對上一次已經係喺電視節目。我唔會諗太多,只係想enjoy個騷。」千嬅表示,因為自己都是華星出身,有一份情意結,又表示阿梅很喜歡幫助新人。」蘇永康就謂,對上一次同台大合唱,已是十年前「1:99」義演,同一陣容,兩次都是因為梅姐,他更謂:「阿梅嘅凝聚力,係後無來者。」

至於杜德偉,他亦表示梅艷芳絕對後無來者,又表示答應演出後,特地上YouTube重看阿梅的片段,很多回憶都回來了,那時他還是初出道,跟隨阿梅一齊到美加走埠登台,一齊玩。事隔多年,杜德偉謂:「咁多年都忘記咗,睇番之後,真係好掛住佢,好多謝Anita,令我哋一班新人好似家庭咁,感情仍在。雖然只係得一日綵排,但每秒enjoy。今晚見到大家為咗阿梅著到靚靚,好感動。」



[ 本帖最後由 nobody 於 2013-12-31 16:56 編輯 ]

TOP

鍾楚紅憶述:哥哥最擔心阿梅,驚佢俾人呃


鍾楚紅話哥哥同梅姐,就好似一對兄妹咁。
http://hk.apple.nextmedia.com/enews/realtime/20131230/52042578

鍾楚紅穿上一身黑色素服,少許低胸衫襯上黑色外套,走到「梅艷芳.10.思念.音樂.會」台上,擔任其中一個上台分享嘅嘉賓,鍾楚紅以嚴肅嘅心情說:「有一日學友打電話畀我,佢問我好唔好出席一個紀念梅艷芳嘅演唱會,我話我又唔識唱歌,又唔識跳舞,我哋傾吓傾吓,我就感動到佢對朋友有情有義,佢話嗰係梅艷芳嚟喎,點解佢走咗咁耐,都冇人做啲嘢嚟紀念佢嘅,我覺得我有呢個責任,去做一場好好睇睇嘅演唱會畀佢,咁我就畀佢打動咗。

「我同梅艷芳識咗好耐,但係我哋唔係咁深交,直至到知佢有病,我就主動去探佢,我就多咗好多時間,同佢單獨相處,同佢傾咗好多偈,我哋傾關於張國榮,關於佢嘅病情,張國榮離世對佢打擊好大,佢哋嘅關係好似兄妹咁,好似老夫老妻,打打鬧鬧,好快就好番。」

「喺張國榮口中,聽到佢好擔心阿梅,佢擔心阿梅喺工作上被人呃,擔心阿梅喺情路上畀人蝦,擔心有一日阿梅唔唱歌,佢嘅生活會係點。」

鍾楚紅話張國榮同梅艷芳就似兄妹咁,又似老夫老妻。

鍾楚紅回憶
阿梅講病情:痛到無法承受


http://hk.apple.nextmedia.com/enews/realtime/20131230/52042766
今晚阿梅的紀念騷,鍾楚紅除了表示跟哥哥張國榮談起阿梅的往事,指哥哥很擔心阿梅俾人蝦,也講起阿梅的痛情,她說:「阿梅又講起佢病情,佢話好痛,痛到係無法承受嘅痛,我同學友講起,學友話識佢咁耐,都未聽過講一個痛字,可想而知,阿梅係幾強嘅女人,喺佢咁病重嘅時候,佢好掛心佢家人,佢嘅歌迷、朋友,話如果有一日,如果佢唔喺度,唔知會點呢,喺度祝福佢嘅家人、朋友、歌迷,好好哋咁生活,我要感謝阿梅畀咗一段咁光輝嘅歷史我哋,我哋嘅有情有義、香港女兒,多謝你。」鍾楚紅隨後兩次躹躬,感謝、回應現場掌聲。


阿梅與哥哥是畢生摯友。

TOP

梁朝偉獻聲唱《朦朧夜雨裡》 全場哄動

http://hk.apple.nextmedia.com/enews/realtime/20131230/52042453

劉嘉玲先用《朦朧夜雨裡》嘅歌詞,之後就到梁朝偉出嚟唱《朦朧夜雨裡》。

緊接是梁朝偉及劉嘉玲上台發言,先是劉嘉玲上台致辭,但她未有像其他人一樣說往事,而是引用阿梅的歌詞,如「浩瀚煙波裡,我懷念懷念往年…」、「曾遇你真心的臂彎,伴我走過患難。」、「俗塵渺渺天意茫茫 將你共我分開 斷腸字點點風雨聲連連 似是故人來」等,最後說:「I say a little pray,不要將風雨驅散,Just give us a little time,請給我給我一晚,在朦朧夜雨裡…」

接著梁朝偉出場,獻唱《朦朧夜雨裡》一曲。由於偉仔已久未獻唱,且不少觀眾亦不知道rundown,故偉仔出場獻唱時,台下反應熱烈,但亦有網民指其唱功「多年不變」。

TOP

最後一次與阿梅合唱 林子祥舊衣憶故人:我好miss佢


林子祥著住嘅呢一件褸,同阿梅最後合唱嗰時著。
http://hk.apple.nextmedia.com/enews/realtime/20131230/52042528
接下來是林子祥獻唱《抱緊眼前人》,他謂當年與梅最後合唱的歌曲是《最愛是誰》:「咁啱嗰晚我都係著呢件褸,之後我都未著過,我好miss佢。希望你哋都記住,抱緊眼前人。」


當年林子祥同梅姐合唱。(資料圖片)

TOP

張曼玉憶阿梅: 佢有時好幼稚 好小朋友


張曼玉近年除了商演,好少出席幕前活動,今次俾面阿梅。(蘋果日報)
http://hk.apple.nextmedia.com/enews/realtime/20131230/52042619

今晚「梅艷芳.10.思念.音樂.會」中有好多重量級嘉賓分享同梅艷芳嘅點滴,其中張曼玉話:「因為今晚,我呢排喺我腦子裏面,回顧好多以前我同阿梅嘅片段,就係今日咁,我喺度寫稿,我就諗番起同阿梅嘅認識,從頭到最後嗰次,都有20年嘅友情,我第二部戲識佢,嗰時我19,佢20,成個青春玉女,好純情,然後跟住嗰20年成日有見面、合作,友情就咁樣深咗。

我要多謝學友同志偉,畀呢個機會我哋,我今日真係好enjoy(享受),又喊又笑,諗番20年,我嗰20年同阿梅嘅來往,我唔知講邊件事好,件何一件事都唔可以3分鐘講得完,所以我或者從佢朋友私人角度,佢嘅性格,同大家分享吓一個咁偉大嘅女人,因為好多台下嘅朋友,只認識台上嘅阿梅,而我好幸運認識佢嘅真人,佢係一個好有義氣嘅人,佢係一個男人同女人嘅混合體,佢嘅身體入面有兩個人,一邊男一邊女,佢好有義氣,每次出去玩佢都為我擋酒,我次次話飲唔到佢都幫我擋,次次都保護住我,佢好細心、好溫柔、好女人,我搞唔清楚邊邊係阿梅,其實佢就係咁多變化,呢個就係阿梅。

梅艷芳係香港人嘅福氣,有佢我哋好幸運,我哋欣賞咗好多好歌、舞台、好睇嘅電影,多謝佢嘅勇敢,佢嘅慷慨,同埋有時佢嘅幼稚,佢有時好小朋友,我哋有一次喺佢屋企用枕頭打交,冇飲酒都玩到癲晒,佢有好細路女一面,但係行出嚟江湖時就撐到好行,所以我好了解佢,知道佢好辛苦,但係阿梅,我哋每個人都好愛你,我永遠都欣賞同尊重你,多謝你﹗」

以前佢哋真係好好朋友。

TOP

關錦鵬:其實阿梅好簡單 只希望得到愛佢嘅男人

http://hk.apple.nextmedia.com/enews/realtime/20131230/52042573

張曼玉之後,就到《胭脂扣》導演關錦鵬演說,他說:

「我諗我同maggie(張曼玉)一樣,我哋好掛住阿梅,對我嚟講,我特別掛住呢個好好合作嘅好拍檔,對於一個導演嚟講,係佢成就「如花」,無論係嫵媚青樓妓女,或者痴情嘅鬼魂, 到最後哀莫大於心死,阿梅都演得絲絲入扣,亦都因為《胭脂扣》,我哋變成可以傾計嘅朋友,我經常俾阿梅叫醒,佢係夜貓子,我哋可以傾一粒鐘兩粒鐘,阿梅台上百變,壞女孩、妖女、東方Madonna,私底下我哋有傾計,我覺得佢有中國人傳統嘅美德,有仗義,愛家庭,愛朋友,義無反顧,當然佢都有好多愛錫佢嘅既朋友,但有一個傳統...我相信阿梅2003年著住婚紗唱《夕陽之歌》,帶住遺憾,其實佢好簡單,希望得到愛佢嘅男人同佢共組家庭,但最後始終帶住落莫離開。」

TOP

舊情難忘 華仔唱眼濕濕 壓軸唱《夕陽之歌》

http://hk.apple.nextmedia.com/enews/realtime/20131230/52042575


舞台王者郭富城今晚穿上一身閃令令舞衣、戴上墨鏡,站在特製的加高舞台上唱《夢伴》,重現阿梅妖魅之態,且台風及唱功足見他為今次演出下了不少功夫。


緊接是阿梅多年來的好朋友——當年更曾傳出緋聞,指阿梅情傾於他的——劉德華。華仔亦是壓軸獻唱,他選了《似水流年》一曲,而且獻唱期間,華仔難忍傷感,兩眼濕濕,但他仍努力地強忍眼淚,唱完此曲為止。

唱畢,華仔謂:「好多謝大家,過咗十年,仍然將阿梅擺喺心裡面。佢曾經同我講,話呢首歌似為佢而寫,歌詞似是她一生寫照,不如今日,等阿梅,同大家老友記,一齊唱,《夕陽之歌》。」

此時畫面阿梅片段,之前出場的眾嘉賓再度出場,齊面向阿梅的屏幕,並響出阿梅的歌聲《夕陽之歌》。眾人肅立,手握玫瑰,之後一齊獻唱。期間成龍更激動得不時抹眼淚。

唱畢後,眾人在台上,向阿梅及觀眾揮手作別,今次舞台是重塑當年阿梅最後演唱會的舞台,那鮮紅地氈,還後阿梅最後緩緩拾級而上的樓梯,一一重現眼前。只見志偉不斷攬人,見華仔時,他先鞠了一躬,然後再緊抱華仔。今晚紀念音樂會上,成龍、華仔和志偉,都難忍淚意。

TOP

航班延遲 梁家輝最後先上台


全體上台唱《夕陽之歌》

http://hk.apple.nextmedia.com/enews/realtime/20131230/52042679
「梅艷芳.10.思念.音樂.會」圓滿結束,搞手張學友及曾志偉在後台接受訪問,問到覺得今次紀念騷可完滿?學友表示自己是局中人好難講,不過一班朋友都好用心,已經覺得十分感動。


講到本來準備上台演說的梁家輝最後未有現身,只在最後出現大合唱《夕陽之歌》,學友表示因為家輝班飛機delay,趕不及他的環節,但最後堅持都要上台,以示尊重。

講到志偉台上激動,學友指志偉在綵排時已經喊得犀利,其他朋友如施南生等都十分感觸。志偉表示每個歌手都用心唱,而且選曲亦有意思,又指十年後仍然有如此多朋友支持,證明阿梅人緣好。

問到可會有慶功,志偉表示因為有記者做訪問,所以一班藝人朋友已經走晒。

TOP

10點10分完騷 阿梅10月10日生日 天意,還是巧合?


http://hk.apple.nextmedia.com/enews/realtime/20131230/52042649
「梅艷芳.10.思念.音樂.會」於今晚10點10分結束,本來這個紀念騷預定是8時15分開騷,9時45分結束,不過最後延遲了開騷,最後至10時10分才結束,而巧合地阿梅的生日是10月10日,而志偉在紀念騷開始時表示,一直將嘉賓陣容保密,是想給阿梅驚喜,未知這次巧合,是否阿梅都看到一班老友為她落力表演?


今次舞台,是參考阿梅03年最後演唱會的舞台設計,並保留了那紅地氈舖著的樓梯。 (資料圖片)





阿梅的師傅寧波車

TOP

http://hk.apple.nextmedia.com/enews/realtime/20131230/52042770
梅艷芳紀念騷圓滿結束後,大夥兒轉到西環尚品薈舉行慶功,關淑怡、苗僑偉夫婦、梁漢文、曾志偉、何韻詩、劉天蘭、阿梅前經理人王敏慧等都有出席。學友於十一時半左右到場,問他今晚太太兼阿梅契妹羅美薇可有到場?學友說:「冇呀,佢喺屋企睇電視,因為今次有電視睇。」

TOP