nobody

娱乐播报

梅艳芳十周年珍藏展览 世界各地歌迷来港缅怀 131230
http://youtu.be/Z1MgZoT8yik


郭可盈难忘梅姐颁奖 彭敬慈十年不庆祝生日 131231
http://youtu.be/uTjfM9S688s


各地梅迷齐聚省善真堂拜祭 歌迷会长赠别墅缅怀梅姐十周年 131231
http://youtu.be/Z5uH-ZMt3Zc

nobody

阿梅忌辰歌迷拜祭
整七千朵花送觀眾
http://hk.apple.nextmedia.com/enews/realtime/20131230/52041359

今日是梅艷芳逝世10週年的日子大批歌迷陸續到九龍塘省善真堂，拜祭已故偶像梅艷芳，梅迷預備了紙紥別墅、名牌手袋、鞋、羽絨、衫等祭品，靈前擺放奶茶、腿蛋治、碗仔翅、公仔麵等食物，約下午1時許，阿梅生前經理人王敏慧及歌迷會會長蘇小姐結伴致祭，兩人誠心上香後，王敏慧跟梅迷摺衣紙拒做訪問。

蘇小姐表示晚上出席悼念音樂會：「一陣去展覽同晚上音樂會，自己冇參與，有開會」10幾個歌迷花咗十幾鐘整七千幾朵花送俾觀眾，佢話:「十周年感受好深，依然唔捨得，諗番唔開心事，尤其靜下來嘅時候，尤其睇番最後個唱大家都喊，思念喊都係一種發洩。」


歌迷帶了好多阿梅生前愛吃的食物到場致祭



仲有紙紮鞋

紙紮衫


紙紥別墅

nobody

http://hk.apple.nextmedia.com/enews/realtime/20131230/52041335

今日係梅艷芳逝世10周年嘅日子，過往同梅艷芳有過經歷嘅朋友，都用唔同嘅方法紀念呢位香港傳奇女歌手。而佢徒弟之一嘅何韻詩，當然有喺微博緬懷師傅一番。

梅姐的「Eddie哥哥」劉培基呢幾日已經不斷喺微博分享咗好多同阿梅嘅往事，噚日就放咗啲同阿梅嘅相話:「過去了 就是過去了 最美的都在作(昨)天，我們都記住了她，思念:成了永不相見」何韻詩亦分享咗呢條微博寫住「永遠同在」。

另外，阿詩今日又喺微博同fb貼咗一張梅姐嘅獨照寫住：「我深信，妳的時間並未靜止在十年前的今天，而是轉化為更強的生命力活在每一個思念妳的人心中。人生就是無數悲歡離合串連而成，對於妳的離開，我們從悲傷轉化為思念，用思念孕育出更強大的能量，努力把妳曾經相信，曾經期盼的，都繼續堅守下去；妳未走完的路，就交給我們來好好完成吧。望安好，想念。」


何韻詩貼咗師傅梅姐嘅一張相出嚟記念佢。(微博圖片)

nobody

梅艷芳新造型蠟像揭幕
彭敬慈為梅姐10年唔搞生日會
http://hk.apple.nextmedia.com/enews/realtime/20131230/52041611

阿梅蠟像嘅新造型，係99年演唱會嘅歌衫。

今日山頂杜莎夫人蠟像館就舉行阿梅蠟像新造型揭幕禮，梅艷芳嘅歌迷郭可盈同徒弟彭敬慈都有去到出席。梅姐嘅蠟像換咗99年演唱會歌衫，﹐郭可盈帶埋4歲囡囡出席，佢喺台上話：「自己係93年港姐，當時阿梅係評判仲頒『最受傳媒歡迎獎』畀我，好有意義，之後出席活動阿梅仲記得我個名，自己好驚訝，當時我仲係新人，證明佢對後輩入心，佢啲歌喺晒我腦裏面，好多謝梅姐一生畀我哋咁好演出，陪住我哋長大，令我哋成長有意義同豐富，希望佢有另一國度和平開心。」

可盈喺接受訪問嘅時候，話今朝起身聽番阿梅嘅歌，勾起好多回憶，佢話：「今日好似置身20幾年前感覺，見到蠟像好似梅姐活現，囡囡都好鍾意梅姐，自己收藏好多梅姐作品，包括黑膠碟、唱片、錄影帶，當年佢話我係佢心目中三甲，有少少遺憾冇機會同台合作，佢好錫歌迷，真心真意錫歌迷，自己都向佢學習。」

0依家喺北京居住嘅彭敬慈，專程返嚟香港悼念梅姐，佢話：「今晚會去會展睇騷，自己無時無刻掛住師傅，因為梅姐走嗰日係我生日，至今每年都冇搞生日會，每年都會諗番03年醫院片段，相信佢0依家好開心。」彭敬慈仲話最難忘梅姐99年演唱會，兩人第一次同台合作，當時佢係舞蹈員，但要同梅姐做戲兼錫佢，真係好難忘，彭敬慈話：「私底下佢好似大細路玩得好顛，但畀我哋感覺好舒服，佢好少鬧人，教都係另一方法等你心服口服，我好欣賞佢對工作態度同精神，我會繼續努力做到佢要求，永遠懷念佢。」

郭可盈係阿梅嘅歌迷。

彭敬慈係阿梅嘅徒弟。

nobody

http://hk.apple.nextmedia.com/enews/realtime/20131230/52041909

阿梅已經離開我們十個年頭。如果今天她還在，這個聖誕和除夕夜，會熱鬧得多。說不定我們還可以一起看《鍾無艷》，笑笑鬧鬧瘋一個晚上。

可惜世事沒有如果。當年一起合拍電影《鍾無艷》、同屬華星新秀出身的鄭秀文，於網上貼了兩張與阿梅的舊照，寫道:「心中懷念她。」

Sammi fb圖片

原圖


2001年，出席舞台劇《煙雨紅船》尾場 。

鄭秀文演唱會2001


02年4月，香港電影金像獎慶功宴。

03年10月，《梅艷芳真心相聚》錄影。

梅艷芳開記招交代病情，一眾好友包括Sammi亦在其身邊支持