高志森唔認影射梅艷芳  2007-12-25

【東方日報專訊】劉雅麗近期積極練歌，將演出獨唱戲《蔓珠莎華》（即：獨白加演唱）。該劇以一代歌后一生作為故事背景，由劉雅麗唱出卅多首梅艷芳之歌曲，無論造型、戲名都令人聯想到該劇影射梅艷芳。
昨日，記者致電該劇監製高志森，他卻堅決否認：「我絕對唔係寫梅艷芳，呢個故事係獨立創作，之前仲以實驗形式公演過，名叫《壞女孩》，女主角係演藝學院畢業生，因為出來反應好好，好多梅艷芳歌迷都有睇，好多都，有睇到眼濕濕，仲在網上留言大讚，令愈來愈多人知道呢個劇。我見大家咁接受個劇，就重錘出擊請劉雅麗做女主角，下個月會在藝術中心公演。」

會請阿梅家人睇

劉雅麗在《蔓》的造型，與梅艷芳告別演唱會之造型如出一轍。高志森表示：「好多一代歌后愛情路都係坎坷，好似《粉紅色的一生》講法國歌后都係咁，情路好崎嶇，我將呢歌后共通點集合，婚紗以表達佢無奈。總之，呢個係獨立創作，絕無影射成分。（咁會唔會請梅艷芳家人睇？）會，我會請梅艷芳家人同朋友睇，希望佢地都畀意見。」

文：影視組

source from: http://ent.sina.com.hk/cgi-bin/news/show_news_f2.cgi?type=focus&name=anitamui&id=216266&submit=%BDT%A9w